Երևանում ուշագրավ միջադեպ է տեղի ունեցել: Մի քանի ժամ առաջ Պուշկին-Սարյան փողոցների խաչմերուկում մի քանի հոգի հարձակվել ու ծեծել են մի երիտասարդի, որից հետո հափշտակել են ձեռքի պայուսակն ու դիմել փախուստի: Ավելի ուշ պարզվել է, որ պայուսակի մեջ մի քանի տասնյակ հազար դոլար գումար է եղել: Նախնական տեղեկություններով՝ երիտասարդը գումարը շահել է բուքմեյքերական կենտրոններից մեկում: Նախնական տեղեկություններով՝ իր վրա հարձակվողները նախապես տեղեկացել են դրա մասին և նշված խաչմերուկում հարձակվել են, ծեծի ենթարկել ու հափշտակել պայուսակը: Մանրամասների մասին նույնիսկ ոստիկանությունը դեռ ոչինչ չի հայտնում: «Առաջին լրատվական»-ի հետ զրույցում միայն հաստատել են, որ ժամեր առաջ նշված վայրից ահազանգ են ստացել:
