Թուրքական Dünya Bülteni լրատվական կենտրոնի փոխանցմամբ՝ Թուրքիայի վարչապետ Ահմեթ Դավութօղլուն Վանում հայտարարել է, որ չի բացառում երկրում արտահերթ խորհրդարանական ընտրությունների անցկացումը:
Դավութօղլուն հայտարարել է, որ բանակցություններ է սկսում հունիսի 7-ի ընտրությունների արդյունքներով խորհրդարան անցած ուժերի հետ, սակայն եթե ձեռք չբերվի կոալիցիոն կառավարության վերաբերյալ համաձայնություն, ապա երկրում կանցկացվեն արտահերթ խորհրդարանական ընտրություններ:
Դավութօղլուն ընդգծել է, որ իրենք պատրաստ են ամեն տիպի բանակցությունների, որպեսզի Թուրքիան անգամ մեկ վայրկյան չմնա առանց կառավարության: Դավութօղլուն հրաժարական է տվել հունիսի 9-ին, որն ընդունել է երկրի նախագահ Ռեջեփ Էրդողանը: Դավութօղլուն վարչապետի գործառույթներն իրականացնելու է մինչև նոր կառավարության ձևավորումը:
