Իրանի և «վեցյակի» Թեհրանի միջուկային ծրագրի շուրջ բանակցությունների մասնակիցները կրկին չտեղավորվեցին իրենց իսկ սահմանած վերջանաժամկետի սահմաններում, պատմական համաձայնագիր ձեռք բերելու հետ կապված: Այս մասին գրում է TASS-ը:
Ավելի քան տաս տարի տևած քննարկումների վերջնաժամկետ էր սահմանվել հուլիսի 7-ը: Սակայն, այս անգամ էլ կողմերը չկարողացան համաձայնագիր ձեռք բերել:
Այն, որ պայմանավորվածություն ձեռք բերելու փաստը նորից տեղապտույտ է տալիս, հայտնի դարձավ առավոտյան 10:00-ին` Իրանի, Մեծ Բրիտանիայի, Գերմանիայի, Չինաստանի, ԱՄՆ-ի, Ֆրանսիայի ԱԳՆ ղեկավարների և ԵՄ արտաքին գործերի ու անվտանգության քաղաքականության գերագույն հանձնակատար Ֆեդերիկա Մոգերինիի մասնակցությամբ նախատեսված պլենար նիստն այդպես էլ չէր մեկնարկում: Դրա փոխարեն «վեցյակը» երկրորդ անգամ օրվա ընթացքում հավաքվեց կոորդինացիոն խորհրդակցության: «Մենք առաջ ենք շարժվում, սակայն առաջխաղացումը բարդ է»,- ասել է Մոգերինին` հավելելով, որ բանակցություն վարողներին ևս մի քանի օր է անհրաժեշտ:
Բանակցություններն ամենաուշը հուլիսի 7-ին ավարտել պնդում էր ԱՄՆ-ի պատվիրակությունը: Դա նախագահ Բարաք Օբամային թույլ կտար եզրափակիչ համաձայնագիրը 30 օրվա ընթացքում քննարկման դնել Կոնգրեսում: Հուլիսի 10-ից սկսած այդ ժամկետը մեծանում է 2 անգամ, ինչն Օբամայի բազմաթիվ ընդդիմադիրներին հավելյալ լծակներ կտա համաձայնագիրն ի չիք դարձնելու փորձի համար:
