ԴԱԻՇ («Իրաքի և Շամի իսլամական պետություն») ահաբեկչական կազմակերպությունը շաբաթ օրը տարածել է տեսագրություն, որում արձանագրված է Պալմիրա քաղաքում սիրիացի զինծառայողների զանգվածային սպանությունը: Այս մասին հաղորդում է Agence France Presse-ը:
Նշվում է, որ խոսքը տասնյակ զոհերի մասին է, իսկ որպես սպանության վայր ընտրվել են հռոմեական ամֆիթատրոնի ավերակները:
Հանցագործությունը կատարել են արմատականների շարքերում գտնվող դեռահասները:
Տեսագրությունը տևում է 10 րոպե։ Փորձագետների կարծիքով՝ դրանում պատանդների նկատմամբ հաշվեհարդարի կադրեր են, որը գրոհայիններն իրականացրել են մայիսի 21-ին Պալմիրան գրավելուց հետո։