ԱՄՆ Վիրջինիա նահանգում ուժեղ ձյան տեղումների պատճառով արտակարգ իրավիճակ է հայտարարվել: Համապատասխան որոշումը ընդունվել է նահանգապետ Բոներտ Մաքդոնելի կողմից:
Նրա խոսքերով՝ էլեկտրալարերի վնասման հետևանքով առանց լույսի ու ջեռուցման են մնացել 123 հազար տներ ու մասնավոր կազմակերպություններ: Նահանգի ոստիկանությունը տեղեկություն է ստացել 367 ճանապարհային պատահարների մասին: Եվս 237 զանգ ստացվել է վարորդներից, որոնց ավտոմեքենաները մնացել են ձյան մեջ:
Վաշինգտոնի վրա թափված ձյան փոթորիկի հետևանքով բոլոր ֆեդերալ հաստատությունները փակվել են: Հետաձգվել են մի շարք հասարակական միջոցառումներ: Չեն աշխատում դատարանները, ինչպես նաև կրթական հաստատությունների մեծ մասը:
Աշխատանքը շարունակում է միայն ԱՄՆ Կոնգրեսը: Սենատում, մասնավորապես, քննարկվում է Ջոն Բրենանին ԿՀՎ-ի տնօրենի պաշտոնում նշանակելու հարցը:
