Standard and Poors միջազգային վարկանիշային գործակալությունը Հունաստանի երկարաժամկետ վարկանիշը մեկ աստիճանով իջեցրել է՝ CCC-ից հասցնելով «CCC-» -ի՝ բացասական կանխատեսմամբ: Այս մասին ասվում է գործակալության հաղորդագրությունում:
Ինչպես հայտարարել է S&P-ն, պաշտոնական վարկատուների առաջարկների հարցով հանրաքվե անցկացնելու Հունաստանի որոշումը կարելի է մեկնաբանել որպես նշան այն բանի, որ Ալեքսիս Ցիպրասի կառավարության համար ներքին քաղաքականությունը գերազանցում է ֆինանսական և տնտեսական կայունությանը, կոմերցիոն պարտքերի վճարմանն ու եվրոգոտու անդամակցությանը:
Որոշումը ցույց է տալիս, որ Հունաստանն, ամենայն հավանականությամբ, հունիսի 30-ին ԱՄՀ-ին չի վճարի 1.5 մլրդ եվրո պարտքը: «Մեր կարծիքով՝ եվրոգոտուց Հունաստանի դուրս գալու հավանականությունը այժմ մոտ 50 տոկոս է»,- ասվում է հաղորդագրությունում:
