ԱՄՆ նախագահ Բարաք Օբաման մտադիր չէ թույլ տալ, որպեսզի արդյունահանվեն երկրի նավթային պաշարների ստրատեգիական պահուստները: Այս շաբաթ մի քանի քաղաքական գործիչներ դիմել էին ԱՄՆ նախագահին, որպեսզի արդյունահանվեն նաև երկրի նավթի պահուստային պաշարները` կանխելու համար բենզինի գների աճը:
«Մենք շատ ուշադիր հետևում ենք բենզինի շուկայում տեղի ունեցող զարգացումներին և հասկանում ենք, թե որքան շատ կարող են տուժել ամերիկացիների ընտանեկան բյուջեները բենզինի գների աճից: Սակայն պահուստային ստրատեգիական պաշարները նավթի ներմուծման դադարեցման դեպքերի համար են, ոչ թե գնագոյացման նկատմամբ վերահսկողություն հաստատելու»,- հայտարարել է Բ. Օբաման:
