ԱԺ ՀՅԴ պատգամավոր Լիլիթ Գալստյանը, արձագանքելով իր կուսակից, ԱԺ պատգամավոր Արտյուշա Շահբազյանի այն հայտարարությանը, որ 2013թ.-ի նախագահական ընտրություններում Դաշնակցությունը մասնակցելու է իր թեկնածուով, մեզ հետ զրույցում նշեց.
«Այն, որ Դաշնակցությունը թեկնածուներ ունի` պետք չէ կասկածել: Մենք ունենք թեկնածուներ, բայց առայժմ դժվարանում եմ անուններ ասել, որովհետև մենք դեռ չենք քննարկել, հետևաբար կխուսափեմ անուններ տալուց: Անշուշտ, Դաշնակցությունը թեկնածուներ ունի, և թեկնածուն մեկը չէ: Ավելին, խոսքը վերաբերում է իր շարքերում գտնվող թեկնածուի մասին, ոչ թե ներմուծվածի»:
