Պարզվել է, որ հսկայական աֆրիկյան առնետները մեծ տաղանդ ունեն մահաբեր ռումբերի հայտնաբերման ոլորտում և օգնում են մաքրել հսկայական տարածքներ:
Նրանց ականների հայտնաբերման համար օգտագործելու առաջարկը Մոզամբիկի իշխանությունների կողմից վատատեսությամբ է ընդունվել:
Հիմա այդ հսկայական կրծողներին կապում են սանձերով և նրանց երկու շարքով բաց են թողում ականապատ տարածքում, իսկ շարքի արանքում կանգնում է վարժեցնողը: Առնետի կանգառը մատնանշում է ականի հայտնաբերումը:
Երկրային ականները շարունակում են մնալ ամենավտանգավորը աշխարհում, հատկապես այն երկրներում, որոնք տուժել են ռազմական հակամարտություններից: Ըստ Կարմիր Խաչի միջազգային կոմիտեի տվյալների՝ ամեն ամիս ավելի քան 800 մարդ մահանում է և 1200-ը հաշմանդամ է դառնում ականների պայթյունից: Նրանց մեծ մասը կազմում են երեխաները, կանայք և ծերունիները:
Ականների հայտնաբերման գործում առնետների օգտագործումն այնքանով է արդյունավետ, որ դրանց պահելն ու բազմացնելը մեծ միջոցներ չեն պահանջում: Այդ աֆրիկյան առնետները վատ տեսողություն ունեն և ստիպված են տեղաշարժվել սուր հոտառության շնորհիվ, ինչը նրանց իդեալական է դարձնում պայթուցիկ նյութի հայտնաբերման համար:
Նրանց առավելություններից մեկը արագությունն է: Այն աշխատանքը, որը մարդը իրականացնում է երկու շաբաթվա ընթացքում, առնետը կանի մեկ օրում:
Առնետի կյանքը անազատության մեջ կազմում է ութ տարի, իսկ նրանց սովորեցնելու գործընթացը տևում է ինն ամիս:
