Ադրբեջանական Trend լրատվական գործակալությանը տված հարցազրույցի ժամանակ Կարսի նահանգապետ Գյունայ Օզդեմիրը հայտարարել է, որ «Բաքու-Թբիլիսի-Կարս» (ԲԹԿ) երկաթուղու կառուցման նախագիծը կամրապնդի Բաքվի ու Անկարայի միջև գոյություն ունեցող էներգետիկ միջանցքը:
Նրա խոսքերով՝ Թուրքիայի տարածքում գտնվելու է ԲԹԿ-ի 79 կիլոմետրանոց հատվածը, որից 58 կիլոմետրը բաժին է ընկնում Կարսի նահանգին: Օզդեմիրը կարևորել է ԲԹԿ-ի նախագծի բնույթը. «ԲԹԿ-ի նախագծի իրագործումից հետո կարելի կլինի երկաթուղային ճանապարհով իրականացնել Եվրոպայից Չինաստան տրանսպորտային բեռների անխափան մատակարարում»:
Հիշեցնենք, որ ավելի ավելի վաղ հաղորդվել է, որ ԲԹԿ-ի կառուցումը կավարտվի մինչև տարեվերջ:
