«Բավական անհստակ է, թե Սիրիայի ճակատագիրն ինչ կլինի: Ոչ ոք չգիտի դա: Դրա համար մեզ ամենից շատ հետաքրքրում է Սիրիայի հայության ֆիզիկական ապագան»,- «Առաջին լրատվական»-ի հետ զրույցում ասաց լիբանանցի քաղաքական գործիչ, Լիբանանի խորհրդարանի նախկին պատգամավոր, պատմաբան Եղիկ Ջերեջյանը:
«Հայաստանի պետությունը, կառավարությունը, հայ եկեղեցին պետք է ամեն ինչ անեն, որպեսզի կարողանան ստեղծված վիճակում լուծել սիրիահայերի ֆիզիկական գոյության հարցը: Պատերազմի ժամանակ սա է առաջնայինը, իսկ թե հետո ինչ կլինի գաղութի ճակատագիրը՝ դա հետագա քննարկման հարց է»,- հավելեց մեր զրուցակիցը:
Ջերեջյանի խոսքով՝ Հայաստանում Սիրիայից գաղթողների համար այնպիսի պայմաններ պետք է ստեղծվեն, որպեսզի մարդիկ այստեղ մնալու, իրենց ապրուստը հոգալու հնարավորություն ունենան, հայրենիքում ապահովություն զգան ու այստեղ մնան: Սակայն, Ջերեջյանի խոսքով, այսօր շատ ներգաղթածներ կան, որ բազմաթիվ դժգոհություններ ունեն։ Նրանց աշխատավարձը ցածր է, դրանով բնակարան չեն կարողանում վարձել: «Բայց կան նաև այնպիսիք, որ տեղափոխվել են այստեղ ու գոհ են: Այսինքն՝ կան և գոհ, և դժգոհ մարդիկ: Սա անհատական մոտեցման հարց է»,- ասաց նա:
Առավել մանրամասն՝ տեսանյութում։
