Sputnik-Georgia լրատվական գործակալության փոխանցմամբ` Վրաստանի պաշտպանության նախարար Թինա Խիդաշելին օգոստոսին մեկնելու է ԱՄՆ, որտեղ հանդիպելու է իր ամերիկացի գործընկեր Էշթոն Քարթերի հետ:
Այս մասին հայտարարել է Վրաստանի պաշտպանության նախարարության մամլո ծառայությունը: Խիդաշելին իր ամերիկյան այցի մանրամասները երեկ քննարկել է Վրաստանում ԱՄՆ դեսպան Ռիչարդ Նորլանդի հետ:
Խիդաշելին հայտարարել է, որ այցի ժամանակ քննարկվելու են վրաց-ամերիկյան հարաբերությունների այժմեական հարցերը. երկու երկրների ռազմական համագործակցություն, 2016 թվականին Վարշավայում կայանալիք ՆԱՏՕ-ի գագաթնաժողով, Աֆղանստանում ռազմական առաքելությանը Վրաստանի մասնակցություն:
Խիդաշելին կարծում է, որ Քարթերի հետ առաջիկա հանդիպումը նախադրյալներ կստեղծի հետագա հաջողությունների համար:
Հիշեցնենք, որ ընթացիկ տարվա մայիսին Վրաստանի վարչապետ Իրակլի Ղարիբաշվիլին հայտարարեց, որ Թինա Խիդաշելին Վրաստանի առաջին կին պաշտպանության նախարարն է և վեցերորդ կին պաշտպանության նախարարն աշխարհում` Նիդեռլանդներից, Գերմանիայից, Նորվեգիայից, Շվեդիայից ու Ալբանիայից հետո:
