Samsung-ն ընդլայնում է հասանելի, բայց ֆունկցիոնալ սմարթֆոնների իր շարքը: Այսօր ընկերությունը ներկայացրել է երկու նորույթ՝ J5 և J7: Սարքերը կարող են աշխատել LTE-ցանցերում, ունեն առջևի լուսարձակներ՝ հայտնում է hitech.vesti.ru-ն:
Երկու սարքերն էլ ունեն 1,5 ԳԲ օպերատիվ հիշողություն, 16 ԳԲ-անոց ներքին ֆլեշ-կրիչներ, 13-մեգապիքսելանոց հիմնական և 5-մեգապիքսելանոց դիմացի տեսախցիկներ: Սմարթֆոններն ունեն երկու SIM-քարտի հնարավորություն, կարող են միանալ LTE ցանցին և աշխատում են Android 5.1-ով:
Միաժամանակ, Samsung Galaxy J5-ն ունի ավելի համեստ՝ 5-դյույմանոց դիսփլեյ HD կետայնությամբ, 2,600 մԱ/ժ տարողությամբ մարտկոց: Սարքի չափերն են՝ 142 x 73 x 8,5 մմ:
J7 մոդելն ունի 5,5-դյույմանոց էկրան, 3000 մԱ/ժ տարողությամբ մարտկոց, Snapdragon 615 պրոցեսոր: Սարքի չափերն են՝ 152,2 x 79,1 x 7,9 մմ: Երկու մոդելներն էլ թողարկվում են սպիտակ, սև և ոսկեգույն տարբերակներով:
Գները նշված են առայժմ միայն չինական շուկայի համար. մոտ 225 դոլար՝ փոքր և 290 դոլար մեծ մոդելների համար: Երբ և ինչ գնով դրանք կհասնեն այլ շուկաներ՝ չի հաղորդվում:
