Ռուսաստանը G7-ի կազմում ներառվելուց ի վեր այդպես էլ ժողովրդավարական երկիր չդարձավ՝ G7-ի համար ընդհանուր արժեքներով: Այս մասին Deutsche Welle պարբերականին տված հարցազրույցում ասել է Գերմանիայի կանցլեր Անգելա Մերկելը:
«Ռուսաստանը շատ առումներով, որոնք ընդհանուր են մեզ համար G7-ի ձևաչափում, վերջին տարիների ընթացքում միանշանակ առաջընթաց չի ապրել: Երբ Ռուսաստանին ընդունում էինք, կարծում էինք, որ մենք, հավանաբար, շատ ընդհանուր բան ունենք՝ հաշվի առնելով պաշտպանության ոլորտում ջանքերը, երբ մտածում եմ Ռուսաստան-ՆԱՏՕ համագործակցության մասին»,- ասել է Մերկելը:
Կանցլերը հստակեցրել է, որ G7-ում ներառված են «ժողովրդավարական երկրներ, որոնք կիսում են ընդհանուր արժեքները»:
Չնայած դրան՝ Ռուսաստանը մնում է կարևոր գործընկեր շփման այլ ձևաչափերում: Խոսքը, մասնավորապես, Ուկրաինայի ճգնաժամի, Իրանի միջուկային ծրագրի, ինչպես նաև Սիրիայում քաղաքացիական պատերազմի մասին է՝ ընդգծել է Մերկելը: