Աֆղանստանի զինված ուժերի հատուկ գործողության ընթացքում վերջին մեկ օրվա ընթացքում ոչնչացվել են «Թալիբան» արմատական շաժման առնվազն 96 գրոհայիններ, ևս 61-ը վիրավորվել են, իսկ 4-ը ձերբակալվել Աֆղանստանի ազգային անվտանգության ուժերի կողմից։ Այս մասին ասվում է երկրի ներքին գործերի նախարարության պաշտոնական կայքում՝ փոխանցում է ria.ru-ն:
Աֆղանստանի բանակի զինծառայողների կորուստների մասին չի հաղորդվում: Նախարարության տվյալներով՝ զինվորականներին նաև հաջողվել է հայտնաբերել և բռնագրավել զինյալների թեթև և ծանր սպառազինությունը: Իսկ այդ ընթացքում Աֆղանստանի ոստիկանության աշխատակիցներին հաջողվել է չեզոքացնել 28 ինքնաշեն պայթուցիկ սարք:
Հիշեցնենք, որ երկրի տարածքում գործում է «Թալիբան» արմատական շարժումը։ Աֆղանստանի կառավարական զորքերը մշտապես զինյալների դեմ ուղղված հատուկ գործողություններ են անցկացնում: Հաճախ այդ հակամարտությունների արդյունքում զոհվում են խաղաղ բնակիչներ:
