ՕԵԿ-ը վերակենդանանալու և դեմքը փրկելու խնդիր չունի՝ «Առաջին լրատվականի»-ի հետ զրույցում վստահեցրեց ԱԺ «Օրինաց երկիր» խմբակցության քարտուղար Մհեր Շահգելդյանը՝ անդրադառնալով հարցին՝ արդյո՞ք «Հայկական վերածնունդ» միավորման ստեղծմամբ ՕԵԿ-ը փորձում է փրկել իր դեմքը, վերակենդանանալ:
«Մենք բացարձակ նման խնդիր չունենք»,- ասաց նա ՝ հավելելով, որ չի ուզում դիտարկել որպես հակաքարոզչություն այն, որ նման տեսակետներ են շրջանառվում. «Ես ցավում եմ, որ որևիցե մեկը նման մոտեցումներ ունի»: Ըստ Մհեր Շահգելդյանի՝ ՕԵԿ-ը ակտիվ կուսակցություններից է՝ և՛ իր գործողություններով, և՛ մարզային կառույցներով, ինչպես նաև նրանով, որ իրենց նախաձեռնությունները մամուլով շրջանառվում են:
Անդրադառնալով այն հարցին, թե «Հայկական վերածնունդ»-ը արտահերթ ընտրություններ, նախագահի հրաժարական կպահանջի՞, ասաց. «Միավորման ռազմավարության մասին իրավասու է խոսել համակարգող խորհուրդը, որի առաջին նիստը ամենայն հավանականությամբ կլինի հաջորդ շաբաթ»:
Այս հարցի շուրջ ԱԺ պատգամավորը հիշեցրեց ՕԵԿ-ի դիրքորոշումը՝ չեն պահանջում նախագահի հրաժարականը, քանի որ Սերժ Սարգսյանի պաշտոնավարման 2-րդ ժամկետը լրանում է:
Մանրամասները՝ տեսանյութում:
