Մեծ Բրիտանիայում երիտասարդ պաթոլոգիկ ստախոսին դատապարտել են ազատազրկման՝ բռնաբարության մասին պարբերաբար սուտ տեղեկությունների համար: Տասը տարի նա ամեն տարի անհանգստացրել է ոստիկանությանը՝ սուտ վկայություն տալով տղամարդկանց դեմ:
Ինչպես գրում է The Daily Telegraph-ը, Սաութհեմփթոնի թագավորական դատարանի որոշմամբ՝ 22-ամյա Էլիզաբեթ Ջոնսը ճաղերի հետևում կանցկացնի 16 ամիս։
Նա 11 անգամ բռնաբարության վերաբերյալ բողոք է ներկայացրել, բայց պարզվել է՝ դրանք բոլորը սուտ են եղել: Աղջիկը թվացյալ բռնաբարությունների մասին սկսել է պատմել 13 տարեկանից սկսած։
Էլիզաբեթն ընդունել է իր մեղքը: Նա ասել է, որ վերջին դեպքում ինքը տղամարդուն սուտ մեղադրել է անձնական հակակրանքի պատճառով:
Ոստիկանությունը պարզել է, որ Էլիզաբեթը սիրային հարաբերություններ է ունեցել տղամարդու հետ, որին նա վեճից հետո մեղադրել է բռնաբարության մեջ: Սակայն սիրահարները միասին չեն ապրել:
Էլիզաբեթի գործողություններից տուժած տղամարդը շատ է տխրել իր սիրելիի հանդեպ կայացված դատավճռից: