Գագիկ Ծառուկյանը դուրս է եկել քաղաքականությունից, և նրան պետք է հանգիստ թողնել։ Գագիկ Ծառուկյան գործչի թեման մեզ համար փակված է: Այս մասին այսօր ՀՀԿ ԳՄ գործադիր մարմնի նիստից հետո լրագրողների հետ զրույցում ասաց ՀՀԿ մամուլի խոսնակ Էդուարդ Շարմազանով` պատասխանելով լրագրողի հարցին, թե ինչու էր նախագահ Սերժ Սարգսյանը օրերս ` «Հայաստան» կինոթատրոնի բացմանը կանգնել Գագիկ Ծառուկյանի կողքին։
Անդրադառնալով էլէներգիայի թանկացմանը Շարմազանովը նշեց. «Մենք անհարկի թանկացումներին դեմ ենք, և ես վստահ եմ, որ և ընդդիմադիր, և իշխանական պատգամավորների կողմից թանկացումը մերժվելու է, քանի որ 17 դրամը շատ բարձր է: Քննարկումներ կլինեն, քանի որ 17 դրամն այն ճշմարիտ և օբյեկտիվ առաջարկը չէ, որ արվել է, սակայն նշեմ, որ սա միայն իմ կարծիքն է և մասնագիտական չէ, սակայն թանկացում կլինի, թե ոչ, պարզ կլինի միայն մասնագիտական քննարկումից հետո»:
