Ռուս հայտնի երգչուհի Աննա Սեմենովիչը հոր հետ կարտոֆիլ է վաճառում, հայտնում է «Սթարհիթ» պարբերականը:
Որոշ ժամանակ առաջ Աննայի հայրը՝ Գրիգորի Տիմոֆեևիչ Սեմենովիչը փակել է մուշտակներ կարելու իր արհեստանոցը, Մերձմոսկվայում հող է գնել և զբաղվում է ագրարային բիզնեսով: Նա էկոլոգիապես մաքուր կարտոֆիլ է վաճառում: Աննան որոշել է օգնել հորը: «Կարտոֆիլ Աննուշկայից» ապրանքանիշն արդեն ստեղծված է, հիմա դրանով զբաղվում են փորձառու մարքեթոլոգներ:
Ծրագրում են շուտով ուտեստներ պատրաստել ու դրանք վաճառել գրասենյակ-կենտրոններում: Բոլոր ուտեստներն Աննան հոր հետ անձամբ կփորձի: «Մեզ համար շատ կարևոր է, որ մթերքը լինի ոչ միայն համեղ, այլև օգտակար»,- պարբերականին ասել է Աննան:
