Բելգիայում ապամոնտաժել են վերջին հեռախոսախցիկը, որը տեղադրված էր Անտվերպենում։ Այս մասին հայտնում է La Libre պարբերականը։
Proximus կապի օպերատորն ապամոնտաժման աշխատանքներն իրականացրել է պաշտոնյաների մասնակցությամբ։
1997 թվականին այն ժամանակվա օպերատոր Belgacom-ը երկրի տարբեր վայրերում տեղադրել էր 18 հազար հանրային հեռախոսախցիկներ։ Տարիների ընթացքում դրանց կիրառությունը նվազել էր և 2013-ին հանգեցրել օրենսդիր իշխանության կողմից դրանց սպասարկման դադարեցման որոշում ընդունելուն։
Շուրջ 30 հեռախոսախցիկներ երկրորդ կյանք են ստացել. դրանք կկիրառվեն թանգարաններում և մշակութային այլ հաստատություններում։
