Բրիտանիայի Ուելս կոմսության 58-ամյա բնակչուհի Ջենիֆեր Բաքլեֆը որոշել է կատակել իր հարսանիքի հյուրերի հետ: Այս մասին հայտնում է Mirror-ը:
Կինն իր հարսանիքին գնացել է սև դագաղի մեջ, որի վրա պատկերված է եղել մահվան մռայլ հնձվորը: Հարսնացուի կարծիքով՝ կատակը հաջող է ստացվել:
«Ես իմ ծրագրերի մասին երկար ժամանակ չէի ասում ոչ ոքի, բայց մի անգամ խոսեցի փեսացուիս մոտ: Նա զարմացել էր իմ որոշումից, բայց ասաց, որ եթե ես այդպես եմ ուզում, կարող եմ հարսանիքին գնալ դագաղի մեջ: Ես իդեալական ամուսին ունեմ, այնպես չէ՞»,- լրագրողներին պատմել է Բաքլեֆը:
Միջոցառմանը գնացած զույգի ընկերներն ու հարազատներն ասել են, որ սարսափել են՝ տեսնելով դագաղը:
Սակայն բրիտանուհու համար նման բաները սովորական են. նա երկար տարիներ թաղման բյուրոյում որպես զմռսող է աշխատել և, իր խոսքով, շատ բան է տեսել:
58-ամյա հարսնացուն ասել է, որ սովորաբար իրեն ավելի համեստ է պահում: Սակայն նրա 21-ամյա դստեր խոսքով՝ մայրը միշտ առանձնացել է ամենատարբեր տարօրինակություններով:
