Ուզում եք հավատացեք, ուզում եք ոչ, աշխարհի ամենաթանկ պանիրը ոչ կովի, ոչ էլ այծի, այլ ավանակի կաթից են պատրաստում: Սերբիայի ֆերմայում պատրաստված «ծվծվացող պանիրը» պատրաստում են Բալկան ավանակի կաթից և նրա մեկ ֆունտն (0,45 կգ) արժե 1000 դոլար: Այն փշրվող, սպիտակ պանիր է, հայտնի սուր բուրմունքով և բնական աղիությամբ, հայտնում է odditycentral.com-ը:
Այս պանրի աշխարհի միակ մատակարարը Սերբիայի Զասավիցա շրջանի Բալկան ավանակների հոտն է, որի թանկության պատճառներից մեկն այն է, որ ավանակները շատ կաթ չեն տալիս, և նրանց պետք է օրական երեք անգամ ձեռքով կթել: Զասավիցայի ավանակներն այնքան կաթ են տալիս, որից տարեկան կարողանում են պատրաստել մոտ 200 ֆունտ պանիր (մոտավորապես 91 կգ):
Բալկան ընտանի ավանակները նախկինում շատ էին օգտագործում սերբական գյուղերում, սակայն կթող սարքավորումների ի հայտ գալուց հետո շատ գյուղացիներ նրանցից հրաժարվեցին:
Հետաքրքիր է, որ պանիրը տարածվածություն ձեռք բերեց այն բանից հետո, երբ լուրեր հայտնվեց, որ 2012 թվականին սերբ թենիսի աստղ Նովակ Ջոկովիչն իր ստացած մրցանակով գնել էր այդ պանրի ամբողջ պաշարը: Չնայած այդ լուրը սուտ դուրս եկավ, բայց պանիր արտադրողների համար այն չափազանց հաջողակ էր:
Ավանակի կաթը միայն պանրով չէ, որ հայտնի է: Ասում են, որ Կլեոպատրա թագուհին կաթն օգտագործել է որպես մաշկի բուժման միջոց, և նույնիսկ ներկա ժամանակներում այն կիրառվում է որպես գեղեցկության նպատակներով:
