Բելգիայի թագավոր Ֆիլիպն ու նրա ընտանիքը համացանցով 2.2 եվրոյով վաճառքի են հանել խոտի հակեր։ Այս մասին հայտնում է Le Soir-ը։
Յուրաքանչյուր հակ կշռում է մոտ 13 կգ։
Հայտարարությունը տեղադրվել է 2ememain.be կայքում։ Նրանում ասվում է, որ շուրջ 100 հակեր՝ գերազանց որակի և առանց միջատասպան նյութերով մշակման, հավաքվել են Վիլեր-Սյուր-Լեսի հողերում (որոնցից թագավորական ընտանիքը եկամուտներ է ստանում)։
Որոշ ժամանակ անց հայտարարությունը հանվել է կայքից։ Թե կոնկրետ ով էր տեղադրել այն՝ չի հստակեցվում։
Բելգիան տարեկան 11.5 մլն եվրո է տրամադրում թագավորական ընտանիքին պահելու համար։
