«Բարսելոնա»-ի կիսապաշտպան Իվան Ռակիտիչի կարծիքով` կատալոնական ակումբի ֆուտբոլիստները պետք է ժպտալով դուրս գան խաղադաշտ Չեմպիոնների լիգայի գավաթի խաղարկության «Յուվենտուս»-ի դեմ եզրափակչի ժամանակ:
«Մենք պետք է ժպտալով դուրս գանք խաղադաշտ: Գիտենք, որ «Յուվենտուս»-ի դեմ բարդ է խաղալ: Ուսումնասիրել ենք այդ թիմի խաղը: «Բարսելոնա»-ն հարգում է «Յուվենտուս»-ին: Բայց բոլոր մտքերը միայն հաղթանակի մասին են»,- ՖԻՖԱ-ի պաշտոնական կայքը մեջբերում է Ռակիտիչի խոսքերը:
Հիշեցնենք` Ռակիտիչը «Բարսելոնա» է տեղափոխվել 2014 թվականին: Նա երբեք Չեմպիոնների լիգայի գավաթակիր չի դարձել, բայց «Սևիլիա»-ի կազմում 2013/14 թվականների մրցաշրջանում նվաճել է Եվրոպայի լիգայի գավաթը:
