Մեծ Բրիտանիան ցանկանում է մեծ չափով ազդել Եվրամիության քաղաքականության վրա ու ձևավորել ԵՄ տեսքը՝ հայտարարել է Թագավորության ԱԳՆ ղեկավար Ֆիլիպ Համոնդը:
«Մենք տնտեսության մեծությամբ երկրորդ երկիրն ենք ԵՄ-ում ու մտադիր ենք 2030-ականներին դառնալ առաջինը: Մենք ԵՄ-ին նայում ենք որպես կազմակերպության, որի տեսքը ցանկանում ենք որոշել մենք ու այն գրավիչ դարձնել մեր տեսանկյունից, ինչպես նաև համատեղ լուծել խնդիրները ու անել այն, ինչը կօգներ Եվրոպային հաջողության հասնել»,- ասել է Համոնդը՝ երկուշաբթի ելույթ ունենալով Լոնդոնի միջազգային հարաբերությունների թագավորական ինստիտուտում:
Բրիտանացի նախարարը ասել է, որ Լոնդոնը մտադիր չէ հետաձգել հարցի լուծումը՝ ԵՄ-ում Բրիտանիայի անդամակցության պայմանների վերանայման մասին, սակայն ինչ էլ որ լինի՝ Բրիտանիան մտադիր չէ դուրս գալ ԵՄ-ից:
