Այսօր մեկնարկեցին ընդունելության միասնական քննությունները։ Շուրջ 2000 դիմորդներ առաջին քննությունն են հանձնում «Կենսաբանություն», «Աշխարհագրություն», «Ընդհանուր պատմություն» առարկաներից:
«Կենսաբանություն» առարկայից կա 1400 դիմորդ, «Համաշխարհային պատմությունից»՝140, «Աշխարհագրությունից»՝ 330:
Ընդհանուր առմամբ կա 34 քննական կենտրոն, որոնցից միայն 13-ում են ընթանում այսօրվա քննությունները. 2 քննական կենտորն Երևանում է, մնացածը՝ մարզերում:
Թիվ 190 ավագ դպրոցում տեղակայված քննական կենտրոնում այսօր շուրջ 260 դիմորդ «Կենսաբանություն» առարկայից քննություն է հանձնում: Բացակայում է 13-ը:
«Առաջին լրատվական»-ի հետ զրույցում դիմորդները նշեցին, որ «Կենսաբանության» շտեմարաններում եղել են վրիպակներ, որոնք հետագայում շտկվել են, ըստ նրանց ՝ որոշակի առումով բարդ են եղել խնդիրները, բայց ընդհանուր առմամբ բարդ չեն:
«Կենսաբանություն» առարկայից քննություն հանձնողները հիմնականում դիմում են Բժշկական համալսարան:
Մանրամասները՝ տեսանյութում։
