Հայտնի հարևաններ Օռլանդո Բլումն ու Թեյլոր Սվիֆթն այլևս չեն ուզում կողք կողքի ապրել, ուստի վաճառում են իրենց անշարժ գույքը: Մամուլը հայտնում է, որ Բլումը հոգնել է իր աղմկոտ հարևանուհուց, որը վերջերս է տեղափոխվել մանհեթենյան պենտհաուս, այդ պատճառով ստիպված է տեղափոխվել: 37-ամյա Բլումի ընկերների խոսքով՝ այդ քայլը ստիպված է, քանի որ նա հոգնել է այն բանից, որ մեծ թվով հայտնի ընկերներ ունեցող Սվիֆթը հաճախ է իր տանը երեկույթներ կազմակերպում: Դերասանն իր տունը վաճառում է 5,5 մլն դոլարով, հայտնում է starslife.ru-ն:
Հետաքրքիր է, որ Սվիֆթը ևս մտածում է տեղափոխվելու մասին: Տաբլոիդները հայտնում են, որ 25-ամյա երգչուհին երազում է Լոնդոնից 35 մղոն հեռու գտնվող տան մասին: Ենթադրաբար, նա արդեն տուն է ընտրել Բերքշիրում՝ մոտ 15 մլն դոլար արժողությամբ: «Թեյլորը ճամփորդում է ամբողջ աշխարհում, բայց ամենից հաճախ լինում է Եվրոպայում, ուստի զարմանալի չէ, որ նա ուզում է այնտեղ տուն ձեռք բերել»,- ասում է աղբյուրը:
