Տաջիկստանում համացանցի մատակարարների և բջջային կապի օպերատորների մեծ մասը սահմանափակել են իրենց հաճախորդների հասանելիությունը Ռադիո «Օզոդի», «Ասիա-Պլյուս» տեղեկատվական գործակալության, YouTube, «Օդնոկլասսնիկի» և «Վկոնտակտե» կայքերի նկատմամբ: Այս մասին գրում է RIA Novosti-ն:
Կայքերի տասնյակ ընթերցողներ և սոցկայքերի օգտատերեր գրում են, որ չեն կարողանում հասանելիություն ստանալ դրանց նկատմամբ: Այդ մասին բողոքում են նաև Facebook-ի տաջիկ օգտատերերը:
Տաջիկստանի համացանցի մատակարարների ասոցացիայի ղեկավար Ասոմիդին Աթոևն ասել է, որ երկրի կապի ծառայություն բանավոր կարգադրություն է ստացվել`տվյալ կայքերը փակելու մասին:
«Այդ կայքերի փակվելու պատճառը հայտնի է. ՕՄՕՆ-ի գնդապետ Խալիմովի վերաբերյալ տեսանյութի հրապարակումն է, սակայն դրանց փակումը օգտատերերի`տեղեկատվության իրավունքի խախտում է»,- ասել է նա:
