Երգչուհի Մըրայա Քերիի նախկին մենեջեր Դեմիեն Յանգը իր վերջին հարցազրույցներից մեկում պատմել է, թե ինչպես էր ինքն աշխատում աստղային հիվանդությամբ տառապող կամակոր տիկնոջ հետ: Այս մասին հայտնում է starslife.ru-ն:
Նա պնդում է, որ Մըրայան վաղուց կտրվել է իրականությունից:
«Նա ապրում է կարծես բոժոժի մեջ: Նորմալ մարդկանց հետ նա գրեթե չի շփվում: Նրա ամբողջ շրջապատը նրան պարուրում է հաճոյախոսություններով, քանի որ բոլորը գիտեն, որ նա քննադատություն չի հանդուրժում»,- ասել է Յանգը:
Նա պատմել է նաև պայմանագրի տարօրինակ պայմանների մասին, որը ստորագրել է աշխատանքի ընդունվելիս:
Օրինակ՝ Մըրայայի հետ առանց նրա թույլտվության չէր կարելի խոսել կամ նայել: «Նա տանել չի կարողանում, երբ մարդիկ նայում կամ խոսում են իր հետ: Նա պաշտում է երկրպագուների փառքն ու սերը, ելույթների ժամանակ նա պարզապես լողում է ուշադրության մեջ, սակայն առօրյա կյանքում նա ատում է շփումն իր անձնակազմի կամ երկրպագուների հետ»,- ասել է Յանգը:
