ՀՀԿ խմբակցության պատգամավոր Աշոտ Աղաբաբյանը ձևական է հաճախում խորհրդարան, անգամ քվեարկություններին չի մասնակցում: Պատգամավորը լրագրողների հետ ևս չի շփվում: Կոշտ ասելիք ունի, բայց՝ մայիսի 25-ից հետո, երբ պարզ կլինի հարկային մարմինների տուգանքները դատարանում վիճարկելու վերջնական որոշումը:
Եթե այդ որոշումը լինի ընդդեմ իրեն` դա լուրջ հարված կլինի Աղաբաբյանի բիզնեսին, ինչին առանց այն էլ հարվածել է Ծառուկյանը իր «Առինջ» մոլով, որտեղ տեղափոխվել են «Հրազդան» ՚տոնավաճառը լքած աշխատակիցները:
Ըստ Աղաբաբյանի մերձավորների, դատարանի որոշումը կարող է պարզապես սեպ խրել նրա ու ՀՀԿ վերնախավի միջև, քանի որ այդպիսով իշխանությունները ուղղակի ցույց կտան Աղաբաբյանին իր տեղը, իսկ վերջինս էլ ստիպված կլինի հրապարակավ հայտարարել, թե իշխանությունները ինչ աչքով են նայում յուրայիններին: Նրա մերձավոր շրջապատում միաժամանակ հիշատակում են Աղաբաբյանի քրոջ ամուսնու՝ Աժ նախագահ Գալուստ Սահակյանի դերակատարումը, որը կարող է նշանակալի ազդեցություն ունենալ այդ հարցում: Մինչ մայիսի 25-ը ՀՀԿ-ական պատգամավորն արդեն ահազանգում է` դատարանի վճռից է կախված «Հրազդան» մարզադաշտի ու տոնավաճառի աշխատակիցների ապագան, ովքեր կարող են համալրել գործազրուկների բանակը:
