Ամերիկյան US Weekly ամսագիրը երգչուհի և դերասանուհի Ջենիֆեր Լոպեսին անվանել է լավագույն մարմինն ունեցող հայտնի, հայտնում է vesti.ru-ն:
Շոու-բիզնեսի ամենաբարեկազմ ներկայացուցիչների վարկանիշային աղյուսակը կազմված է 18 հոգուց, սակայն պարբերականը դեռևս հրապարակել է միայն հաղթողի անունը:
Ամբողջական ցուցակը կհրապարակվի US Weekly-ի նոր համարում, որը վաճառքում կլինի մայիսի 25-ից:
Ամերիկյան հայտնի պարբերականի կայքում նաև 45-ամյա Լոպեսի հետ հարցազրույցից հատված է հրապարակվել, որում նա պատմում է իր գեղեցկության գաղտնիքների մասին: Լոպեսի խոսքով՝ մշտապես մարզվում է ու առողջ սնունդ կիրառում:
«Ես աշխատում եմ առողջ ապրելակերպ վարել և մշտապես կազմվածքս բարելավելու նոր միջոցներ եմ փնտրում»,- ասել է նա:
Երգչուհին նաև նշել է, որ մայրությունն իրեն հսկայական հաճույք է պարգևում: «Ես ամեն օր շփվում եմ իմ 7-ամյա երկվորյակներ Մաքսի և Էմմայի հետ: Ինձ թվում է՝ ես երիտասարդանում եմ ամեն անգամ, երբ տեսնում եմ նրանց»,- հավելել է նա:
