Գիտնականները պարզել են, որ հեռախոսազանգերի և SMS-հաղորդագրությունների օգտագործումը կարող է զգալիորեն ազդել կլինիկաներ կանանց այցերի պարբերականության վրա՝ անցանկալի հղիությունից պաշտպանող ներարկումների համար: Հետազոտողների աշխատանքին նվիրված հոդվածը հրապարակվել է Journal of Adolescent Health ամսագրում:
Բժիշկների հետազոտությանը մասնակցել է 13-21 տարեկան 100 կին, որոնք այցելել են Բալթիմոր քաղաքի կլինիկաներից մեկը անցանկալի հղիությունը կանխարգելող ներարկում անելու համար: Այդպիսի ներարկում անհրաժեշտ է անել յուրաքանչյուր 3 ամիսը մեկ:
Կանայք 2 խմբի են բաժանվել: Մի խումբը նոր ներարկման օրվանից 3 օր առաջ այդ մասին հիշեցնող հեռախոսազանգեր է ստացել, երկրորդը՝ SMS-հաղորդագրություններ, որոնց մասնակիցներին խնդրել են պատասխանել: Փորձը տևել է 9 ամիս: Արդյունքները ցույց են տվել, որ ստուգողական խմբերի կանայք կլինիկա են այցելել շատ ավելի կոկիկ, քան նրանք, ովքեր հիշեցում չեն ստացել. մինչև 3-րդ ներարկումը «հասել է» փորձի մասնակիցների 69%-ը:
Ըստ բժիշկների՝ իրենց փորձը կարող է օգտագործվել հիվանդանոցների հիվանդներին այլ բաների, օրինակ՝ դեղերի ընդունման կամ կանխարգելիչ զննման համար այցերի մասին հիշեցնելու համար:
