Եգիպտոսի ընդդիմությանը զայրացրել է այն հանգամանքը, որ սնանկության շեմին հայտնված երկրի իշխանությունները 2.6 միլիոն դոլար են ծախսել ամերիկյան արտադրության արցունքաբեր գազ գնելու համար՝ հաղորդում է The Guardian-ը` վկայակոչելով «Ալ-Մասր Ալ-Յոում» թերթին, որի տրամադրության տակ են հայտնվել փաստաթղթերը:
Փաստաթղթերի համաձայն ` հունվարի վերջին Եգիպտոսի ՆԳՆ-ն ԱՄՆ-ից գնել է 140 հազար բակ արցունքաբեր գազ:
Նման քանակությամբ արցունքաբեր գազի գնումը համընկել է երկրում անկարգությունների սկզբին, որոնք վերածվել են քաղաքացիական հուզումների՝ ընդդեմ նախագահ Մուհամմադ Մուրսիի, «Մուսուլման եղբայրներ»-ի և ոստիկանության բարձիթողի վիճակի:
21 իրավապաշտպան խմբերի ներկայացուցիչներ վերջին օրերի Եգիպտոսի իրադարձություններն անվանել են Հոսնի Մուբարաքի ժամանակաշրջանի ճնշումների վերադարձ: