Հոլիվուդյան դերասան Ջորջ Քլունին, որը մոտ ապագայում պատրաստվում է դերասանությունը փոխարինել քաղաքականությամբ, ասում է, որ «Ապագայի երկիր» ֆանտաստիկ ֆիլմում առանցքայինը ընտրության պահն է, որ կատարում է մարդը: Ջորջը կարծում է, որ նույնը տեղի է ունենում իրական կյանքում:
«Մենք ենք որոշում, թե որ քաղաքական գործիչը կգա իշխանության: Ընտրությունը միշտ կոլեկտիվինն է, ուստի պետք է ընտրենք մեր կյանքը փոխելու ունակ քաղաքական գործիչների»,- ասում է դերասանը:
«Ես իսկապես հավատում եմ, որ ամեն անգամ, երբ ամեն ինչ թվում է շատ մռայլ, մենք պետք է հասկանանք՝ ինչպես առաջ շարժվել։ Մենք պետք է լինենք միախմբված և միասին առաջ շարժվենք»,- հավելել է Քլունին:
Ի դեպ, սցենարի հեղինակն ասել է, որ Քլունիի հերոսը հատուկ դերասանի համար է ստեղծվել՝ հաշվի առնելով նրա մարդկային որակները և սկզբունքները։
