Լեհ զբոսաշրջիկը՝ ոմն Կ. Վրոն, Սլովենիայի և Խորվաթիայի միջև ընկած սահմանին հիմնել է սահմանադրական միապետություն՝ Անկլավի թագավորություն: Երկու երկրներն արդեն վաղուց են վիճում 100 ք/մ սահմանամերձ հողի պատկանելության շուրջ: Այս մասին հաղորդում է Sputnik գործակալությունը:
Օգտվելով իրավիճակից՝ լեհն այդ հողը յուրացրել է՝ հղում անելով Terra Nullius (հողը ոչ ոքինը չէ) միջազգային իրավունքի սկզբունքին: Այդ տերմինը նշանակում է, որ տվյալ տարածքը որևէ պետության ինքնիշխանության ներքո չէ:
Մայիսի սկզբին նորահռչակ պետությունում անցկացվել են խորհրդարանական ընտրություններ: Խորհրդարանում են հայտնվել շատ երկրների քաղաքացիներ՝ ԱՄՆ-ից մինչև Չինաստան: Տվյալ պահին տրված է քաղաքացիության մասին 134 վկայական: Պաշտոնական արժույթ է սահմանվել dogecoin կրիպտոարժույթը: Անկլավի միապետության պետական լեզուներ են դարձել անգլերենը, լեհերենը, սլովեներենը և չինարենը:
