«Ռուսաստանի հերոս Պյատնիցկիխ» տանկերի կապիտան Արտյոմ Գոնչարովը LifeNews-ին պատմել է, որ դամասկոսցի Սամիր Կրեկեր Մահմուդը, որին բռնել են ռուս նավաստիները Թուրքիայից 5 կմ հեռու, լողացել է Հունաստան իր ընտանիքի՝ կնոջ ու երեխաների մոտ:
«Նա բացատրեց, որ Թուրքիայից Հունաստան էր լողում: Այնտեղ նա կին և երկու երեխա ունի: Երբ նրան բռնեցինք, նրա մոտ կար 2 գնդակ, լաստեր, դիմակ և հեռախոս, փաստաթղթեր, որոնք նա դրել էր տոպրակի մեջ»,- պատմել է Գոնչարովը:
Նավաստիները նշում են, որ առաջին օրերին ապրած սթրեսի պատճառով փրկված սիրիացին նույնիսկ չի խոսել: Նրան նորմայի բերելու համար շուրջօրյա հսկողություն են սահմանել, սնունդ ապահովել:
Հիշեցնենք՝ մայիսի 8-ին ռուսական «Ռուսաստանի հերոս Պյատնիցկիխ» տանկերի անձնակազմն Էգեյան ծովում հայտնաբերել է 27-ամյա դամասկոսցի Սամիր Կրեկեր Մահմուդին, որը փորձել է լողալով Եվրոպա հասնել: Հայտնաբերման պահին նա 5 կմ լողացած է եղել: Պարզվել է՝ սիրիացին Էգեյան ծովով լողացել է լաստերով ու բասկետբոլի երկու գնդակներով: Նավաստիները փորձել են սիրիացուն ուղարկել Թուրքիա, բայց այնտեղ նրան չեն ընդունել: Որոշվել է նրան Ռուսաստան ուղարկել: Հիմա նրան պատրաստում են հայրենիք ուղարկել:
