Բահրեյնի թագավոր Համադ իբն Իսա ալ-Խալիֆան Մեծ Բրիտանիայում նժույգների շոուն գերադասել է ամերիկա-արաբական գագաթնաժողովից, որն անցկացնում է ԱՄՆ նախագահ Բարաք Օբաման: Այս մասին գրում է RIA Novosti-ն:
Բահրեյնի թագավորը մեկնել է չորեքշաբթի օրը բացված Վինձորների արքայական նժույգների ցուցահանդեսին, որից հետո հանդիպել է Մեծ Բրիտանիաի թագուհի Եղիսաբեթ II-ի հետ: Թագավորը, սակայն, չի մասնակցել Քեմփ-Դևիդում անցկացվող ԱՄՆ-ի և Պարսից ծոցի արաբական երկրների գագաթնաժողովին:
Բահրեյնում նորությունների պետական գործակալությունը, հղում անելով երկրի ԱԳՆ ղեկավարին, հաղորդել է, որ միապետի մասնակցությունը ձիերի շոուին և թագուհու հետ հանդիպումը ծրագրված էին ԱՄՆ գագաթնաժողովից ավելի վաղ, ուստի միապետը չի կարողացել Քեմփ Դևիդ մեկնել:
