Ամերիկյան մի քանի լյուքսային ռիթեյլերներ, այդ թվում՝ Neiman Marcus-ը և Nordstorm-ը, առաջարկում են «խելացի» հայելիներ հանդերձարաններում: Այս մասին գրում է The New York Post-ը: Այս կերպ ընկերությունները փորձում են մրցակցել առցանց մրցակիցների հետ, որոնք գնորդների մասին տեղեկություններ են հավաքում՝ այլ ապրանքներ խորհուրդ տալու համար:
Նոր տեխնոլոգիան օգնում է օֆլայն-խանութներին հավաքել նմանօրինակ տեղեկություն և հանդերձարաններում նոր ծառայություն առաջարկել: Փորձագետների խոսքերով՝ առաջիկա մի քանի տարում նման ինովացիաներ կարող են հայտնվել մեծ թվով վաճառակետերում, քանի որ տեխնոլոգիան ավելի էժան կդառնա:
2015-ին Big Space ընկերությունը մտադիր է հագուստի խանութների ցանցի հետ համատեղ թեստ անցկացնել և փորձարկել հայելին, որը կարող է ճանաչել գնորդի սեռը և ըստ այդմ գնումների վերաբերյալ խորհուրդներ տալ: Բացի այդ, գնորդները հենց հայելու միջոցով կարող են հարցումներ անել կամ ապրանք գնել:
