novate.ru-ն պատմում է ինովացիոն թռչող սարքերի՝ վերջին ամիսներին տեղի ունեցած մի քանի մեծ վթարների մասին:
AeroMobil թռչող ավտոմեքենա
Մեր օրերում ակտիվորեն թռչող ավտոմեքենաների ստեղծման աշխատանքներ են տարվում: Այդ ուղղությամբ ամենահեռանկարային և հայտնի նախագծերից մեկը սլովակների AeroMobil նախագիծն է:
Խոսքը ներքին այրման շարժիչով ավտոմեքենայի մասին է, որը կարող է գետնի վրայով տեղաշարժվել առավելագույնը 160 կմ/ժ արագությամբ, օդով՝ 200 կմ/ժ:
Սպասվում էր, որ իր տրանսպորտային միջոցների առաջին պատվերներն AeroMobil ընկերությունը պետք է սկսեր ընդունել 2016թ.: Բայց, հնարավոր է, այդ ժամկետը վերանայվի. 2015թ. մայիսի 8-ին թեստային AeroMobilе 3.0-ը վթարվել է:
Այդ պահին մեքենան թռել է 300 մ բարձրության վրա: Բարեբախտաբար, օդաչուն կարողացել է կատապուլտի ենթարկվել, անվնաս մնալ:
SpaceShipTwo VSS Enterprise տիեզերական մաքոք
Virgin Galactic ընկերությունը երկար ժամանակ է՝ խոստանում է ամենամոտ ժամկետներում մասնավոր տիեզերական զբոսաշրջություն սկսել:
Մի քանի տարի Virgin Galactic-ի գլխավոր թռիչքային սարքը եղել է SpaceShipTwo VSS Enterprise տիեզերական մաքոքը: Այդ նավը կարող էր տանել միաժամանակ 8 մարդու:
2010 թվականից, երբ SpaceShipTwo VSS Enterprise-ն իրականացրել է իր առաջին թռիչքը, տասնյակ հաջող թռիչքներ և մի քանի լուրջ մոդեռնիզացիաներ է իրականացրել:
Բայց 2014թ. հոկտեմբերի 31-ին մաքոքն ընկել է Մոհավե անապատի վրայով փորձնական թռիչքի ժամանակ: Ընկնելու հետևանքով օդաչուներից մեկը զոհվել է, մյուսը ծանր վնասվածքներ է ստացել:
Falcon 9 հրթիռ
SpaceX ընկերությունն աշխատում է առաջին հերթին բեռնատար տիեզերական թռիչքների իրականացման ուղղությամբ: Արդեն հիմա SpaceX-ի հրթիռներն ու տիեզերական մաքոքները թռչում են Միջազգային տիեզերակայան:
NASA-ն ակտիվորեն համագործակցում է SpaceX-ի հետ, որը նրա համար բեռներ է հասցնում ուղեծիր:
Հրթիռից անջատված առաջին աստիճանի վայրէջքը կառավարելու հնարավորություն ունենալու համար SpaceX ընկերության ինժեներներն այն «զինել են» հատուկ բաշխիչներով: Դրանք ընկնելու ժամանակ բացվում են, որպեսզի թռիչքն առավելագույնս ուղղահայաց դարձնեն: Վայրէջքը պետք է իրականացվի օվկիանոսում լողացող հատուկ հարթակի վրա:
Գաղափարը պարզ է, բայց այն իրագործելը՝ բավական դժվար: Մինչև հիմա SpaceX-ն արդեն Falcon 9 հրթիռի առաջին աստիճանի անվտանգ իրականացման երկու փորձ է արել: Երկուսն էլ անհաջող:
