«Լիվերպուլ»-ի ավագ Սթիվեն Ջերարդը, ով գոլի հեղինակ է դարձել Անգլիայի առաջնության 36-րդ տուրի շրջանակներում կայացած «Չելսի»-ի դեմ հանդիպմանը, ակնարկել է, որ ընթացիկ մրցաշրջանի ավարտից հետո ընդմիշտ չէ հեռանում լիվերպուլյան ակումբից:
Կիսապաշտպանն ամբողջ կարիերան անցկացրել է «Լիվերպուլ»-ում, իսկ առաջիկա ամռանը տեղափոխվելու է «Լոս Անջելես Գելեքսի»:
«Շատ դժվար կլինի հեռանալ: 27 տարի հանդես եմ եկել այս թիմի կազմում: Հպարտանում եմ ամենով, ինչի հասել եմ այստեղ: Երբեմն նաև անհաջողություններ են եղել: Բայց դա ֆուտբոլիստի աշխատանքի մի մասն է: «Լիվերպուլ»-ն ընդմիշտ կմնա իմ սրտում: Տարիներ անց անպայման կվերադառնամ»,- Daily Express-ը մեջբերում է Ջերարդի խոսքերը:
