Դժվար է հավատալ, որ աշխարհահռչակ դերասանուհի Սալմա Հայեքն այս տարի կդառնա 49 տարեկան: Լրագրողների այն հարցին՝ ինչպես է իրեն հաջողվում նման շլացուցիչ տեսք ունենալ, դերասանուհին ժտալով ասել է, որ պատճառը «մեկ նյուանսի» մեջ է, հաղորդում է elle.ru-ն:
Սալման ասել է, որ մաշկի մասին իրեն հոգ տանել սովորեցրել է տատիկը: Պետք է այրել mamey մրգի սերմերը (mamey-ը մեքսիկական ծառ է, որի պտուղը շատ նման է կարտոֆիլին, սակայն ունի մեծ կորիզ, համային առումով նման է դդումի), որոնցից յուղ է ստացվում. վերջինս դերասանուհին օգտագործում է կոսմետիկ նպատակներով: Նշենք, որ 2011թ. Սալման թողարկել է Nuance կոսմետիկ ապրանքանիշը, որի հիմքում վերոնշյալ բաղադրատոմսն է:
Ինչ վերաբերում է սննդին, ապա դերասանուհին ուտում է այն ամենը, ինչ ցանկանում է, բայց չափի մեջ: Նա օրը սկսում է մեկ բաժակ սուրճից, ապա ուտում է 3 սպիտակուցից և մեկ դեղնուցից օմլետ:
