«Ազատության» հրապարակում «Ժառանգություն» կոսւակցության առաջնորդ Րաֆֆի Հովհաննիսյանն ավարտեց շուրջ մեկ ժամ առաջ մեկնարկած հանրահավաքը: ներկայացնում ենք նրա եզրափակիչ խոսքը:
Վաղը Ձեզ կդիմեն գորիչներ, երիտասարդներ, որոնք դիտորդական առաքելության մաս են եղել, բայց այդ ամենը վաղը: Մեր պայքարը երկարատև է, դրա վախճանը չի լինելու, սկիզբ է լինելու մեր հանրապետությանը, մեր ազգային շահին, մեր հանրապետությանը, մեր ազգային շահին:
Հայրենակիցներ, սրանից հետո յուրաքանչյուր պետական գործիչ պետք է լինի ոչ թե անօրեն, պետք է լինի ժողովրդի իշխանության ծառան: Ես ոչ թե իմ անունից, այլ Ձեր անունից արդեն հրամայում եմ ոստիկաններին և ազգային անվտանգության ներկայացուցիչներին ապահովել մեր քաղաքացիների անվտանգությունը մեր հրապարակից սկսած, սահմանից սահման: Վերջը պետք է դառնա սկիզբ: Մենք սկզբի մեջ ենք, սկիզբ մեր ազատության, արժանապատվության, մեր իրավունքի: Այսօր ոչ մեկը չի ենթարկվում որևէ սադրանքի, ոչ մի կռիվ, ոչ մի անարգանք, ազատ խոսք, թող բանավեճ լինի, ազատություն, խաղաղություն, զինվորները սահմանի վրա են և հպարտ ենք: Այն սպաները, որ իրենց տարան երկու առաջ փորձության, պետք է պատասխան տան: Այսօր հրապարակում ով ուզում է կմնա, ով ուզում է կսկի հացադուլ, մենք կյանքով պետք է հաղթենք:
«Ժառանգություն» կուսակցության ղեկավարը խոստացավ հանդիպել «Ազատության» հրապարակում վաղը ժամը 13.00-ին: Հանրահավաքն ավարտվեց «Սարերի քամի» երգի հնչյունների ներքո: Քաղաքացիները Րաֆֆի Հովհաննիսյանի հետ շուրջպար բռնեցին «Ազատության» հրապարակում:
