ԱՄՆ բարձրագույն կրթություն ունեցող ավելի ու ավելի շատ բնակչուհիներ են որոշում մայրանալ։ Այս մասին հայտնում է The Wall Street Journal-ը՝ հղում անելով Pew Research Center-ի հետազոտությանը։
Ինչպես պարզել են փորձագետները՝ 2014 թվականին մագիստրոսի կամ ավելի բարձր աստիճան ունեցող 40-44 տարեկան ամերիկուհիների 22 տոկոսը երեխա չի ունեցել։ 1994 թվականին նման կանանց մասնաբաժինը կազմել է 30 տոկոս։
Կրթական աստիճանով 40-44 տարեկան ամերիկացի մայրերի մասնաբաժինը, ովքեր դաստիարակում են 1 երեխայի, նվազել է՝ 1994 թվականին գրանցված 28 տոկոսից 2014-ի դրությամբ հասնելով 23 տոկոսի։ Երեք և ավելի երեխաներ ունեցող ամերիկուհիների թիվն աճել է՝ 22 տոկոսից դառնալով 27 տոկոս։
Այն, որ ԱՄՆ բարձրագույն կրթություն ունեցող բնակչուհիներն առավել շատ են սկսել մտածել երեխաներ ունենալու մասին, կարող է նշանակել, որ նրանց համար հեշտ է դարձել աշխատանքն ու ընտանիքը համատեղելը։
