Մոսկվայում Զյուզինի դատարանը ենթասպա Վալերի Դանիելյանին 12 տարվա ազատազրկման է դատապարտել` Ռուսաստանի պաշտպանության նախարարությանը պատկանող 150 բնակարանների յուրացման համար: Այս մասին հաղորդում է RIA Novosti-ն:
Բացի այդ, ենթասպան ստիպված կլինի 300 հազար ռուբլի տուգանք վճարել:
Դանիելյանի հանցակիցները ևս ազատազրկման են դատապարտվել. Վիոլետա Ֆարուսովան դատապարտվել է 8 տարվա ազատազրկման, Վերա Մասլովսկայան`6 տարվա, Իգոր Գանիչևը`վեց ու կես տարվա, իսկ Ալեքսեյ Սեմինը`հինգ ու կես տարվա:
Հիշեցնենք, որ նախօրեին Դանիելյանը մեղավոր է ճանաչվել բնակարանների յուրացման համար: Ըստ փորձագետների`ենթսպան և նրա հանցակիցները 1 մլրդ ռուբլու վնաս են պատճառել ՌԴ պաշտպանության նախարարությանը:
