«Կարֆուր»-ի մուտքը քննարկվում է ՀՀ պատկան մարմիններում, և, կարծում եմ, նա կմտնի Հայաստանի շուկա: Քննարկվում է կառավարությունում, ու այնտեղ դրական են տրամադրված»,- նման հայտարարություն այսօր լրագրողների հետ հանդիպման ժամանակ արեց ՊԵԿ նախագահ Գագիկ Խաչատրյանը:
Հարցին ի պատասխան՝ մաքսային կառույցում խոչընդոտներ չկա՞ն «Կարֆուր»-ի համար, Գ. Խաչատրյանը հավաստիացրեց, թե մաքսայինում ոչ մի դաշտի համար սահմանափակումներ չկան՝ բացի կառավարության սահամանած որոշումներից:
«Եթե որևէ մեկը հայտարարի, որ խոչընդոտի է հանդիպում որևէ ապրաքատեսակ ներմուծելիս, ես պատրաստ եմ հասարակական քննարկում կազմակերպել: Պրոբլեմները, որ կան, ուրիշ դաշտերում են ու բոլորովին կապ չունեն մաքսայինի հետ»,- ասաց ՊԵԿ նախագահը:
