Բացառիկ երևույթ է տեղի ունեցել Տեխաս նահանգում. բոլոր Սիրահարների օրը Թրեսսա և Մանուել Մոնտալվոների ընտանիքում ծնվել են միանգամից երկու զույգ միաբջիջ երկվորյակներ,- հաղորդում է Reuters գործակալությունը:
Ինչպես նշում են Հյուսթոնի հիվանդանոցի աշխատակիցները՝ նման դեպք լինում է 70 մլն-ից մեկի հետ:
Ինչպես պատմել են երջանիկ ծնողները՝ իրենք պլանավորել էին քույրիկ կամ եղբայրիկ իրենց երկամյա որդու՝ Մեմֆիսի համար: Սակայն հղիության տասներորդ շաբաթվա ընթացքում իրենց հաղորդել են, որ ընտանիքը կավելանա միանգամից չորս հոգով:
«Մենք պլանավորել էինք հղիությունը, բայց ինչպես երևում է՝ չափից ավելի ենք ջանացել: Մենք չէինք սպասում, բայց օրհնվել էինք միանգամից չորս երեխաներով»,- ասել է 36-ամյա Տերեսսան:
Չորս առողջ երեխները լույս աշխարհ են եկել հղիության 31-րդ շաբաթում: Բժիշկները ստիպված են եղել կնոջը կեսարյան հատում իրականացնել: Ծնողերը երեխաներին անվանել են անգլիական այբուբենի առաջին չորս տառերով՝ Էյս (1,64 կգ) և Բլեյն (1,79 կգ), իսկ մեկ րոպե ավելի ուշ ծնվածներին՝ Քեշ (1,33 կգ) ու Դիլան (1,53 կգ)։
Ինչպես հաղորդել է մեծ ընտանիքի պարագլուխը, ամուսինները մտադիր չեն կանգնել այդ ձեռքբերման վրա և հույս ունեն, որ իրենց ընտանիքում, այնուամենայնիվ, աղջիկ կհայտնվի:
