Facebook-ը բացում է Internet.org-ը մշակող գործընկերների համար:
Ամենախոշոր սոցկայքի նախագիծը, որը կոչված է վազային համացանցային ծառայություններով ապահովել մոլորակի ամենաաղքատ շրջանները, առաջիկայում առանձին ցանցային հարթակի կվերածվի:
Facebook-ի ղեկավար Մարկ Ցուկերբերգը բոլոր ցանկացող մշակողներին հրավիրել է ադապտացնել իրենց ծառայությունները մի շարք պահանջների ներքո: Հիմնական պահանջն այն է, որ կայքը նորմալ տեսք պետք է ունենա նույնիսկ բյուջետային հեռախոսների վրա, չօգտագործի ծանր կոնտենտ և հրաժարվի ծածկագրումից: Այս բոլոր չափանիշների կատարման դեպքում նախագիծը կմտնի Internet.org:
«Հասանելիությունը նշանակում է հնարավորություններ: Ցանցային չեզոքությունը հասանելիության համար պատնեշ չպետք է լինի: Մեզ պետք է և մեկը, և մյուսը: Դա սխալ համացանց է, եթե մարդկանց մեծամասնությունը չի մասնակցում դրան: Մեր նպատակն է` օգնել յուրաքանչյուրին միանալ կապին: Մենք սկսում ենք անվճար բազային ծառայություններից` կրթություն, առողջապահություն, աշխատանքի որոնում ու կապ մարդկանց միջև: Սակայն մենք նախատեսում ենք, որ ժամանակի ընթացքում ավելի շատ անվճար ծառայություններ կկարողանանք մատուցել: Յուրաքանչյուրն անվճար ծառայություն ներկայացնելու հնարավորություն պետք է ունենա»,- ասել է Ցուկերբերգը:
