ԱՄՆ Պետդեպը 20 մլն դոլար պարգևավճար է խոստանում ԴԱԻՇ ահաբեկչական խմբավորման 4 առաջնորդների գտնվելու վայրի մասին տեղեկատվության համար։ Այս մասին փոխանցում է Associated Press գործակալությունը։
ԴԱԻՇ-ի ղեկավար Աբդ Ալ-Ռահման Մուստաֆա Ալ-Կադուլիի մասին տեղեկատվության համար խոստացվել է 7 մլն դոլար։ Եվս 5-ական մլն դոլար է խոստացվել Աբու Մոհամադ Ալ-Ադնանիի համար, ով ներկայացնում է խմբավորումը ԶԼՄ-ներում, և ծագումով վրացի Թարպան Թիմուրովիչ Բատիրաշվիլիի համար, ով ներկայում ղեկավարում է մարտական գործողությունները Սիրիայի հյուսիսային հատվածում։ 3 մլն դոլար էլ խոստացվել է Թարիք բեն Ալ-Թահարի համար, ով ղեկավարում է խմբավորման գործունեությունը Սիրիայի և Թուրքիայի սահմանին։
Գումարները կտրամադրվեն «Պարգևներ արդարադատության համար» ծրագրի շրջանակում։
