Չեմպիոնների լիգայի գավաթի 2014/15թթ խաղարկության եզրափակչում Թուրինի «Յուվենտուս»-ը «Յուվենտուս Ստեդիում» մարզադաշտում ուժերն է չափելու Մադրիդի «Ռեալ»-ի հետ: Խաղը մեկնարկելու է Երևանի ժամանակով 22:45-ին: Գլխավոր մրցավարն անգլիացի Մարտին Ատկինսոնն է:
Նախնական մեկնարկային կազմերը հետևյալն են՝
«Յուվենտուս». Բուֆոն – Լիխտշտայներ, Բոնուչի, Կիելինի, Էվրա – Մարկիզիո, Պիրլո, Վիդալ, Պերեյրա – Մորատա, Տևես
«Ռեալ». Կասիլյաս – Կարվախալ, Վարան, Պեպե, Մարսելո – Ռամոս, Ռոդրիգես, Կրոս – Իսկո, Ռոնալդու, Բեյլ
- Կարլո Անչելոտին կարող է դառնալ առաջին մարզիչը, ով Չեմպիոնների լիգայում հաղթել է 4 անգամ
- ՉԼ վերջին 29 արտագնա խաղերից ընդամենը 2-ում «Ռեալ»-ը գոլ չի խփել: 2009/10թթ մրցաշրջանում թիմը 1/8 եզրափակչում զիջեց «Լիոն»-ին, իսկ ընթացիկ խաղարկությունում ոչ-ոքի (0:0) խաղաց «Ատլետիկո»-ի հետ
- Մադրիդյան ակումբը երեք անգամ անընդմեջ մրցաշարի կիսաեզրափակչից դուրս էր մնում, բայց նախորդ տարի ընդհանուր 5:0 հաշվով հաղթեց «Բավարիա»-ին
- «Ռեալ»-ը 26-րդ անգամ հանդես կգա մրցաշարի (հաշվի առնելով նաև մրցաշարը մինչև անվանափոխությունը՝ Չեմպիոնների գավաթից Չեմպիոնների լիգայի) կիսաեզրափակչում, ինչը բացարձակ ռեկորդ է: Նախորդ 25 անգամներից 13-ում թիմը դուրս է եկել եզրափակիչ:
- Մասիմիլիանո Ալեգրիի թիմը վերջին 12 եվրագավաթային խաղերում չի պարտվել
- Նոր՝ «Յուվենտուս Ստեդիում» մարզադաշտում թիմը եվրագավաթային 17 խաղ է անցկացրել, տոնել 10 հաղթանակ, կրել 1 պարտություն ու 6 խաղ ավարտել ոչ-ոքի
- Իտալիայի գործող չեմպիոնը մասնակցել է եվրագավաթային 7 եզրափակչի՝ տոնելով 2 հաղթանակ
«Յուվենտուս»-ը մրցաշարի կիսաեզրափակչին մասնակցելու է 11-րդ անգամ: 7 անգամ թիմը դուրս է եկել եզրափակիչ, 3 անգամ դուրս մնացել պայքարից
