Կատալոնական «Բարսելոնա»-ի դարպասապահ Կլաուդիո Բրավոն Լա լիգայի 35-րդ տուրի «Կորդոբա»-ի հետ խաղում սեփական դարպասն անառիկ պահելով(8:0)` ևս մեկ ռեկորդ սահմանեց:
Այդպես, Չիլիի հավաքականի դարպասապահը գերազանցեց «կապտանռնագույններ»-ի նախկին դարպասապահ Վիկտոր Վալդեսի ռեկորդը, ով 2004/05 և 2009/10 մրցաշրջաններում սեփական դարպասն անառիկ էր պահել Պրիմերայի 20 խաղերում: «Կորդոբա»-ի հետ խաղը Բրավոյի 21-րդ «չոր» հանդիպումն էր:
Հիշեցնենք, որ չիլիացին նաև գերազանցել էր Վալդեսի մյուս ռեկորդը: Նա Իսպանիայի առաջնությունում 776 րոպե անընդմեջ գոլ չէր ընդունել սեփական դարպասը (Վալդեսի 686-ի դիմաց):
